İsrail ordusu Nusayrat Qaçqınlar Düşərgəsinin qərb və şərq bölgələrini artilleriya atəşi ilə hədəf alıb.
Xeber4.az “Anadolu Agentliyi”nə istinadən xəbər verir ki, hücum nəticəsində 2 nəfər ölüb, 24 nəfər isə yaralanıb. Dağıntılar altında ölənlərin də olduğu bildirilir.
İsrail əsgərləri həmçinin Ramallah, Hebron, Nablus, Qalkilya və Qüds şəhərlərindəki evlərə basqın edib. Basqınlar zamanı 20 fələstinlini saxladığı və onların evlərinin dağıdıldığı, saxlanılan şəxslərin və onların ailələrinin döyülmə və təhdidlərə məruz qaldığı bildirilib.
Fələstin rəsmilərinin verdiyi son açıqlamalara görə, 7 oktyabr 2023-cü ildən bəri İordan çayının qərb sahili və Şərqi Qüdsdə İsrail əsgərlərinin hücumları nəticəsində 167-si uşaq olmaqla, 780 fələstinli həyatını itirib.
Qeyd edək ki, İsrail ordusunun İordan çayının qərb sahilində və Şərqi Qüdsdə fələstinlilərə qarşı həbslər, basqınlar və hücumlarında artım müşahidə edilib.
